Marketing Environments ကို လေ့​လာ​ရင် Political, Economic, Social နဲ့ Technological တွေ​ပါ​တဲ့ Macro Environmental Forces တွေ​က တဖက်​သတ် သြ​ဇာ သက်ရောက်​မှု​တွေ ရှိ​တယ်။ Customers, Competitors, Suppliers, Distributors, Alliances, Stakeholders & Public, Inter Environment တွေပါတဲ့ Micro Environmental Forces တွေ​က​လဲ အပြန်​အလှန် အကျိုး​သက်ရောက်​မှု​တွေ ရှိ​တယ်။ ပြော​ရ​ရင် Macro level မှာ PEST analysis လို tools ကို​သုံး​ပြီး Micro Level မှာ SWOT analysis လို tools တွေ​ကို​သုံး​ပြီး business တစ်​ခု​အတွက် အကဲ​ဖြတ်​မှု​တွေ လုပ်​လေ့​ရှိ​ကြ​တယ်။

SWOT factors တွေ​ကို သတ်​မှတ်​ဖို့ PEST analysis က​ကူညီ ထောက်ပံ့​ပေး​တယ်။ ဒါ​ကြောင့် PEST analysis ဟာ SWOT analysis ကို​သုံး​ပြီး အကဲ​မ​ဖြတ်​ခင် သုံး​သင့်​တဲ့ အသုံးဝင်​တဲ့ tool တစ်​ခု​ပါ​ပဲ။ SWOT ဆို​တာ Strengths, Weaknesses, Opportunities နဲ့ Threats ကို​ပြော​တာ​ပါ။ PEST နဲ့ SWOT ဟာ မ​တူ​ကွဲပြား​တဲ့ ချဉ်းကပ်​သုံးသပ်​မှု​တွေ ရှိ​ပေ​မယ့် တူညီ​တဲ့ အကဲ​ဖြတ်စ​ရာ အချက်​တွေ​လည်း ရှိ​တယ်။

အဲ​ဒီ​တော့ PEST analysis ကို​သုံး​ဖို့ ဘယ်​လို အချက်​တွေ​ပါ​သလဲ ဆို​တာ ကြည့်​ရအောင်။

Political ဖက်​က ကြည့်​ရင်

• environmental ဆိုင်​ရာ ဘာ​ပြဿနာ​တွေ ရှိ​မ​လဲ။
• legislative အနေ​နဲ့ ယခု နဲ့ နောင် ဘာ​တွေ ဖြစ်လာ​နိုင်​မ​လဲ။ နိုင်ငံ​တကာ မှာ​ရော ဘယ်​လို​လဲ။
• regulation လုပ်​တဲ့ အဖွဲ့​အစည်း​တွေ​နဲ့ လုပ်ဆောင်​ရ​မယ့် နည်း​လမ်း​တွေ​က​ရော ဘယ်​လို​ရှိ​မ​လဲ။
• government နဲ့​ပါတ်​သက်​လို့ မူ​ဝါဒ​တွေ၊ အချိန်​ကာလ​တွေ​နဲ့ အပြောင်း​အလဲ​တွေ​က​လဲ အရေး​ပါ​တဲ့​အတွက် ထည့်​သွင်း စဉ်းစား​ရ​မယ်။
• trading policies တွေ​က​လဲ ဘယ်​လို​ရှိ​နိုင်​မ​လဲ။
• local နဲ့ foreign က pressures တွေ​ရော ဘယ်​လို သက်ရောက်​မှု ရှိ​မ​လဲ။
• နောက်ဆုံး စစ်​တို့ အကြမ်း​ဖက်​မှု​တွေ​တို့ ရှိ​နိုင်​သလား၊ ဘယ်​လို သက်ရောက်​မှု ရှိ​မ​လဲ။

Economical အနေ​နဲ့ ဆို​ရင်

• ပြည်​တွင်း​ရော ပြည်​ပ​ရော စီးပွား​ရေး အတက်အကျ​တွေ​ဟာ အကျိုး​သက်ရောက်​မှု ရှိ​နိုင်​လား။
• ဝင်ငွေ​ရ​ရှိ​တဲ့ အနေအထား​က​ရော ဘယ်​လို​လဲ။ အခွန်​ကောက်ခံ​ပုံ​က​ရော ဘယ်​လို ရှိ​လဲ။ စုဆောင်း​ငွေ​တွေ အကြွေး​တွေ​ရော ဘယ်​လို အနေအထား​ရှိ​လဲ။
• ထူး​ထူးခြား​ခြား အခွန်​ကောက်ခံ​ပုံ သတ်​မှတ်ထား​တဲ့ ကုန်​ပစ္စည်း​တွေ ဝန်​ဆောင်​မှု​တွေ ရှိ​လား၊ ဘယ်​လို ဖြစ်​နိုင်​လဲ။
• market cycle ရဲ့​အနေအထား၊ စျေး​ကွက်​ရဲ့ နောင်​ဖြစ်လာ​နိုင်​မယ့် အခြေအနေ​တွေ​က​ရော ဘယ်​လို​လဲ။
• distributors တွေ​ရဲ့ အလားအလာ​တွေ၊ စား​သုံး​သူ​ရဲ့​ပြောင်းလဲ​လာ​နိုင်​မှု​တွေ က​ရော ဘယ်​လို​လဲ။
• exchange rate တို့ နိုင်ငံ​တကာ​ကို trade လုပ်​နိုင်​တဲ့ အနေအထား​တို့​ကို​လည်း ထည့်​စဉ်းစား​ရ​မယ်။

Social အနေ​နဲ့ ကတော့ အဓိက​အား​ဖြင့် demographics နဲ့ culture ကို​ခွဲ​ခြား​ပြီး

• life style ပြောင်းလဲ​ပုံ​တွေ​က​ရော ဘယ်​လို​လဲ။
• စား​သုံး​သူ​တွေ​ရဲ့ ခံယူ​ချက်​နဲ့ အမြင်​တွေ​က​ရော ဘယ်​လို​လဲ။
• လူ​ဦးရေ အခြေအနေ၊ ကျား​မ အချိုး၊ အသက် ကွာ​ခြား​မှု​တွေ​က​ရော ဘယ်​လို​ရှိ​လဲ။
• စာတတ်​မြောက်​မှု​နှုန်း၊ စာမ​တတ်​တဲ့​နှုန်း​တွေ​က​ရော ဘယ်​လို​လဲ။
• အိမ်ထောင်​စု အခြေအနေ၊ ဝယ်​ယူ​လေ့​ရှိ​တဲ့ ပုံစံ​တွေ​က​ရော ဘယ်​လို​လဲ။
• ပြော​ရ​ရင် ဖက်​ရှင်​ပုံစံ​တွေ၊ role model တွေ​က ဘယ်​လို အကျိုး​သက်ရောက်​မှု ရှိ​နိုင်​မ​လဲ။
• အဓိက​ကျ​တဲ့ events တွေ​က​ရော ဘာ​တွေ​လဲ၊ ဘယ်​လို အကျိုး​သက်ရောက်​မှု​တွေ ရှိ​နိုင်​မ​လဲ။
• ဘာသာ​ရေး​ဆိုင်​ရာ​တွေ၊ အဖွဲ့​အစည်း​ဆိုင်​ရာ​တွေ ရဲ့​အနေအထား​နဲ့ စား​သုံး​သူ​တွေ​ရဲ့ တန်ဖိုး​ထား​မှု​ကွဲပြား​ပုံ​တွေ​က​ရော ဘယ်​လို​လဲ။

Technological views က​ဆို​ရင်​တော့

• compete လုပ်​နိုင်​မယ့် နည်း​ပညာ ဖွံ့ဖြိုး​တိုးတက်​မှု အခြေအနေ​က​ရော ဘယ်​လို​လဲ။
• သု​တေ​သန လုပ်​ဖို့ ပေး​နိုင်​မယ့် ငွေ​အခြေအနေ​က​ရော ဘယ်​လို​လဲ။
• ပူးတွဲ ဒါ​မှ​မဟုတ် မှီခို​နေ​ရ​တဲ့ နည်း​ပညာ ရှိ​လား။ အစားထိုး စရာ​ကော ရှိ​လား။
• နည်း​ပညာ​ဆိုင်​ရာ ရင့်​ကျက်​မှု(maturity)ရော  ရှိ​ပြီ​လား။
• ပြော​ရ​ရင် ကိုယ့်​ပစ္စည်း​ကို ထုတ်​တဲ့ နေရာ​မှာ faster, cheaper, easier-to-use, smaller, more mobile, connected, ubiquitous ဖြစ်​နိုင်​ပြီ​လား။

PEST analysis ကို​စဉ်းစား​တဲ့​အခါ ဒီ​လောက်​ဆို​ရင် ပြည့်စုံ​တဲ့ အကဲ​ဖြတ်​ချက် တစ်​ခု​တော့ ရ​ပါ​မယ်။

reference :

1. Strategy First က SFM101 course – seminar 2
2. www.businessballs.com