A/H1N1
A/H1N1 ဗိုင်းရပ်ပိုးကြောင့် ဖြစ်တဲ့ရောဂါကို ကလေးမလေး တစ်ယောက်မှာ စတွေ့ကြောင်း ဂျာနယ်တွေမှာ ပါတဲ့အချိန်က စပြီး နေရာတော်တော်များများမှာ နှာခေါင်းစီးတပ်ထားတဲ့ လူတွေကို တွေ့လာရတယ်။ ဘယ်နေရာဖြစ်ဖြစ် ဒီအကြောင်း ပြောနေတာတွေ ကြားရတယ်။ ဒီဝက်တုတ်ကွေးကြောင့် ခက်နေပြီ။
ကိုယ်လည်း အိမ်က မဟေသီမှာလိုက်လို့ နှာခေါင်းစီး သွားဝယ်တာ Orange ကဆေးဆိုင်မှာ တစ်ယောက် ၂ ခုနှုန်း ၁ ခု ၅၀၀ နဲ့ ရောင်းနေတာ တွေ့ရတယ်။ ဟီး ဟီး အားလုံးကြောက်ပြီး ဝယ်ကုန်ကြလို့ ရှားပါးပစ္စည်း ဖြစ်သွားပြီထင်တယ်။ (ကျွန်တော်လိုပေါ့။)
TQM
Japanese Standards Association က ၂၀၀၁ ခုနှစ်မှာ ထုတ်ဝေပြီး Masao Umeda ရေးတဲ့ Seven Key Factors for Success on TQM ဆိုတဲ့ စာအုပ်ကို ဖတ်ပြီး တစ်ချို့ ဟာတွေပြန်ရေးမယ် စိတ်ကူးတယ်။
FPB Bank
ဒီနေ့ FPB Bank မှာ အမြတ်ဝေစု သွားထုတ်တယ်။ ဒီနှစ်အတွက် ၃၁ ရာခိုင်နှုံးကျော်ပေးတယ်။ အပြင်က အတိုးတွေနဲ့ ကြည့်ရင်နဲပေမယ့် အများပိုင် ကုမ္ပဏီတစ်ခု ဖြစ်ဖို့ မလွယ်တာကြောင့် ဘာပဲဖြစ်ဖြစ် လုပ်နိုင်သူတွေကို အားပေးရမှာပဲ။ နောင်တစ်ချိန်မှာ ဒီရှယ်ယာတွေက ငွေတွင်းဖြစ်ချင်ဖြစ်နေမှာပေါ့။
About raw price
June 25, 2009 by ktwn
Filed under Business, Diary, My Opinion
နှစ်ပါတ် အတွင်း ၂၅ ရာခိုင်နှုံး ခုန်တက်သွားတဲ့ ကုန်ကြမ်းဈေးကို ဘယ်လိုစဉ်းစား တွက်ချက်ရမလဲ။ လွန်ခဲ့တဲ့ တစ်ပါတ်က ကျွန်တော့်အထင် ဈေးက ထိပ်ကိုရောက်နေပြီ၊ ပြန်ကျမယ်လို့ ထင်တယ်။ ဒါပေမယ့် အထင်က အခုထိတော့ ပါစင်အောင်ကို လွဲတယ်ဗျာ။ Rectified Spirit ဈေးကို ဘယ်လိုတောင် သတ်မှတ်ရမလဲ မသိဘူး။ ဘာပြောပြော ဘေးထွက်ပစ္စည်းဈေးတော့ တက်မယ်လို့ ပြောလိုက်ပြီ။
ကုန်သည်တွေ အကုန်လုံးက သွေးကြီးနေကြလား မသိပါဘူး။ ဘုရင့်နောင်မှာ မနက်တစ်ဈေး ညနေတစ်ဈေးကို ဖြစ်လို့။ မနက်ဒီဈေးကြားတယ် ”ဟာ ဈေးမြင့်တယ် စောင့်အုံးမယ်” စဉ်းစားတုံး နောက်လူက ဈေးပေးနေပြီ၊ ဒါမျိုးကို ဒီနှစ်ထဲ တစ်ခါမှ ဒီလောက် သွေးကြီးတာ မကြားမိဘူး။ ဈေးဆွတဲ့ လူတွေကလဲ ဆွတယ်။ [...]
raw
June 24, 2009 by ktwn
Filed under Business, Diary, My Opinion
ကုန်ကြမ်းဈေးကတော့ တက်ပြီးရင်းတက် နေတယ်။ တစ်ပါတ်တစ်ခါ ဈေးနှုန်းသတ်မှတ် ထားတာတောင် နောက်တစ်ပါတ် ဘယ်ဈေးဖြစ်မလဲ စိတ်ပူရပြီ။
တစ်ကယ် ကုန်ကြမ်းရှားပြီလား။
ကုန်သည်တွေကပဲ ဈေးဆွဲမ နေကြသလား။
ဝယ်ဖို့ တော်တော် အခက်အခဲ ဖြစ်နေပြီလား။
ဘာပြောပြော နောက်တစ်ခါ ဖြစ်မယ့် ကုန်ကြမ်းဈေးကြောင့် ကုန်ချောဈေးလဲ တက်ရတော့မှာပဲ။
လောင်စာကလည်း ရှားသွားလိုက်တာ ဈေးတိုးပေးမှ ထွက်လာတော့တယ်။ လောင်စာသွင်းတဲ့ ကုန်သည်တွေကို ကြိုငွေထုတ်ပေးဖို့ စီစဉ်ရမယ်။ တစ်ကယ် စက်ရုံအတွက် လုပ်ပေးနိုင်မယ့် လူတွေကိုပေါ့။ ဘာပြောပြော ဒီတစ်မိုးတော့ တောင့်ထားရမှာပဲ။
ဘေးထွက်ပစ္စည်း ဈေးလည်းတက်ရမယ်။ ဒီလောက်ကုန်ကြမ်းတွေ တက်နေတာ။ မိုးလည်းရွာပြီဆိုတော့ မယူဘူးပြောလည်း နောက်ထပ်လူရှာမယ်။ ဒါပေမယ့် ရှိတဲ့လူနဲ့ပဲ အဆင်ပြေချင်ပါတယ်။
ဒီနေ့ ကုန်ကြမ်းတင်တဲ့ နေရာမှာသုံးဖို့ ခပ်ခွက်နဲ့တင်တဲ့စက် ဆင်ဖို့ အလုပ်အပ်တယ်၊ အဆင်ပြေမယ် ထင်ပါတယ်၊ ပစ္စည်းဖိုး လက်ခ ခန့်မှန်း ၇၀-၈၀ ရှိမယ်။ [...]
